الوضع
إنشاء حساب تسجيل الدخول
THE CASE القضية - لعبة تحقيق وجرائم عربية

لعبة تحقيق وجرائم عربية: ادخل القضية واكشف القاتل

THE CASE (القضية) لعبة تحقيق بوليسية عربية بتتلعب أونلاين من المتصفح، على الموبايل أو الكمبيوتر، من غير ما تنزّل أي تطبيق. كل قضية ملف جريمة كامل: تقارير طب شرعي، وإفادات شهود، وصور من مسرح الجريمة، وخريطة للأماكن، وموبايلات الضحايا والمشتبه بهم بالرسايل وسجل المكالمات.

إزاي بتتلعب؟

مفيش حد هيقولك الحل. إنت المحقق: بتقرا الأدلة، وتقارن الإفادات، وتربط الأشخاص والأماكن على لوحة التحقيق، وفي الآخر بتبعت إجابتك: مين القاتل، وإيه الدافع، وإزاي حصلت الجريمة. ولو وقفت عند نقطة، فيه تلميحات بتساعدك تكمّل من غير ما تحرق القصة.

اللعبة دي لمين؟

لو بتحب الألغاز البوليسية وقصص الجريمة والغموض، ونفسك تجرب تبقى محقق بجد، القضية معمولة ليك. تقدر تلعبها لوحدك على راحتك، أو مع أصحابك وتتناقشوا في النظريات سوا، وتشارك في البطولات وتنافس لاعبين تانيين على مين يكشف القاتل الأول. القصص أصلية ومكتوبة بالعربي، وكل قضية موضح عليها مستوى الصعوبة قبل ما تبدأ. وبننزل قضايا وبطولات جديدة، فتابعنا عشان تلحقها أول ما تنزل.